Azad Kurdî
Her ji destpêka serkar hatina rejîma Komara Îslamî li Îranê di sala 1357’an ya Rojî (1979)de, berpirsiyarên vê rejîmê dest dan serkut û qirkirina neteweyên Îranê nemaze Kurdan ku weke geleke amafxwaz herdem di çepera şoreş û berxwedana azadîxwaziyê de bona bidestveaîna mafê neteweyî têkoşîna azadiyê meşandiye û li hember zilm û zordariyê bêdeng nemaye. Rayedarên vê rêjîmê bi avakirin û çêkirina çend organ û saziyên ne qanûnî weke Sipaha Pasdaran, Komîteya Şoreşa Îslamî û Hêza Besîc, hewla vê yekê dan ku her bizav û tevgereke gelî ku li hundirê Îranê serî hilde, qir bikin û bifetisînin. Ew organ û sazî li ser ferman û biryara Xomeynî, rêberê olî yê rejîmê piştî bidestvegirtina desthilatê di sala 1358’an de ava bûn. Hêzeke din jî bi navê Sipaha Quds bona operasyon û şopandina armancên vê rejîmê yên gemar li derveyî sînorên Îranê ava bû ku niha li Îraqê û çend welatên din yên Rojhilata Navîn di xizmeta pêşdebirina siyasetên rejîma Îslamî a Îranê de operasyonên terorîstî rêve dibe.
Her ji destpêka serkar hatina rejîma Komara Îslamî li Îranê di sala 1357’an ya Rojî (1979)de, berpirsiyarên vê rejîmê dest dan serkut û qirkirina neteweyên Îranê nemaze Kurdan ku weke geleke amafxwaz herdem di çepera şoreş û berxwedana azadîxwaziyê de bona bidestveaîna mafê neteweyî têkoşîna azadiyê meşandiye û li hember zilm û zordariyê bêdeng nemaye. Rayedarên vê rêjîmê bi avakirin û çêkirina çend organ û saziyên ne qanûnî weke Sipaha Pasdaran, Komîteya Şoreşa Îslamî û Hêza Besîc, hewla vê yekê dan ku her bizav û tevgereke gelî ku li hundirê Îranê serî hilde, qir bikin û bifetisînin. Ew organ û sazî li ser ferman û biryara Xomeynî, rêberê olî yê rejîmê piştî bidestvegirtina desthilatê di sala 1358’an de ava bûn. Hêzeke din jî bi navê Sipaha Quds bona operasyon û şopandina armancên vê rejîmê yên gemar li derveyî sînorên Îranê ava bû ku niha li Îraqê û çend welatên din yên Rojhilata Navîn di xizmeta pêşdebirina siyasetên rejîma Îslamî a Îranê de operasyonên terorîstî rêve dibe.
Gund, dever û bajarên Kurdistana Îranê herdem armanca vê siyaset û stratejiya gemar û bêyom a rayedarên rejîma Komara Îslamî bûne. Nêzîk 30 sala ye ku rayedarên vê rejîmê bi hemû metod û awayekê di hewl û bizava bihêzkirin û berfirehkirina xebat û çalakiyên hêza dijî gelî a bi navê Besîc de ne, lê nekarîne hêj bi awayê hewce wê armancê bişopînin û serkevin. Ji ber ku Hêza Besîc beşekek sereke ji Sipaha Pasdaran e ku di bin ferman û emrê rêberê olî yê Komara Îslamî de dixebite û endambûn di Hêza Besîc de tê vê wateyê ku takekes tevlî refên hêza tepeserker a Sipaha Pasdaran dibe ku weke hêzeke terorîstî, dijîgelî û dijî Kurdistanî tê naskirin û kar dike. Lewra armanceke sereke û mezin a rayedarên Komara Îslamî ew bûye ku keç û xortên Kurd di Hêza Besîc de bikin endam û bi vî awayî tevlî hêza terorîst a Sipaha Pasdaran bikin û di 30 salên borî de hêza sereke a qirkirina Kurdan, kavil û wêrankirina gund û bajarên Kurdistanê û herwiha îdam û girtin û îşkencekirina xelkê Rojhilatê Kurdistanê bûye. Ji ber vê yekê ye ku endambûna di van hêzane de, nemaze di Hêza Besîc de ku di bin rikêf û fermana Sipaha Pasdarên xwînmij û cinayetkar de ye, li cem xelkê azadîxwaz û şoreşger yê Kurdistanê weke qebahet û kareke bêyom û dûr ji rêbaza Kurdayetiyê û heta îxanetê tê binavkirin.
Di van çend salên dawiyê de, berpirsiyar û endamên van hêzane li her 4 parêzgehên Rojhilatê Kurdistanê dest bi liv û tevger û komployên xwe yên gemar û qirêj kirine û bi xurtî û berfirehî bona rakişandina law û qîzên Kurd di nav van hêzane de dixebitin.
Cihê kêfxweşî û şabûnê ye ku serbarê xebat û çalakiyên berdewam ên van hêzane li Kurdistanê, daxwazî û hewlên wan hatine û tên mandel û betal
Publish Post
Ji ber pirsgirêkên aborî, kêmdahatî û her wiha betalî û bêkariya pirraniya keç û xortên Kurd li hemû parêzgehên Rojhilatê Kurdistanê, berpirsiyarên Hêzên Besîc, Sipaha Pasdaran û hêzên Ewlekariyê hinek taktîk bona rakişandian xelkê girtine pêşberî xwe. Taktîkên weke dana miaş û heqdest ji 50 heta 500 hezar tûmenî, rêvebirina festîval û pêşbirkêyên çandî, werzişî, sefer û geriyan ji bo seyrangehan, kilasên quranxwendin, fîlmçêkirin û helbsetxwendinê û gellek fend û fêlên din, dihewilînin ku xelkê di Hêza Besîc de bikin endam. Bernameyên han zêdetir li bajaran û derdorên wan dimeşin, lê li gund û herêmên dûr ji bajaran, bi dana diraveke zaf, bizavê dikin ku xelkê bi giştî, nemaze ciwanên Kurd bixapînin.
Di heyamê sala borî de, li gellek gund û navçeyên derdorên bajarên Kurdistana Îranê, kirêgirtiyên Sipaha Pasdaran û Besîc bi gef û hereşeyan, xwestine ku di hilkevt û hencetên cur bi cur de, rê û resm û şahiyên taybet lidar bixin ku Hêza Besîc bi piştevaniya rasterast a Sipaha Pasdaran dimeşîne. Li gellek gund û bajaran xwestine ku binke û navendên taybet ên Besîcan vekin û xelk û bi taybet ciwanên Kurdan rojane serdana wan navend û binkeyan bikin û bibin endam, herwiha li çendîn gund û navçeyên Kurdistanê biryar dane ku xwendingeh û dibistanan dabixin û bikin binke û navendên leşkerî ên Besîcan û bi vî awayî rêya xelkê ji bo Sipaha cinayetkar û Pasdaran û hêzên Ewlekarî û Îtilaatê vebe.
Kesên ku kirêgirtiyên rejîmê ne û di nav gund, navçe û bajarên Kurdistanê de propagandayê ji Hêza Besîc re dikin, dema tevî berxwedan û bêfermanîkirina gel rûbirû dibin, gefê ji xelkê dixwon ku heke di Hêza Besîc de nebin endam, piştre dê rastî pirsgirêk, ezyet û azaran bibin û wê demê ew kes bixwe berpirsiyar e û bi vî awayî xelkê biwêr yê Kurdistanê ditirsînin.
Yek ji kiryarên herî balkêş di vê derheqê de eva ye ku hemû hewl û cehda xwe didin ku di dibistan, xwendingeh û zanîngehan de ciwan û xwendekar bibin endamên Hêza Besîc û piştre jî bibin endamên Sipaha Pasdaran. Îsal di çarçoeya hefteya bi navê Besîc de, projeya han li çend gund û bajaran hatiye meşandin, biryar hate girtin ku divê hemû xwendekarên wan deveran, kinc û cil û bergên leşkerî ên Hêza Besîc lixwe bikin û biçin xwendingehan.
Yek ji wan poenên ku gellek xwendekar di zanîngehên Îranê de bi vê rêyê ve tên pejirandin, eva ye ku di hemayê xwendina berî zanîngehê de, endamê/a Hêza Besîc yan beş û saziyên ser bi vê hêzê ve bibe. Ji ber vê çendê niha li hemû dibistan, xwendingeh û zanîngehên Îranê beşên taybet hatine avakirin ku ser bi hêzên Sipaha Pasdaran û Besîc in û berdewam di hewla Besîckirina xwendekaran de ne, bona vê yekê ji zext û givaşan mifahê distînin. Ji hemû mamsotayên xwendingehan jî hatiye û tê xwestin ku bibin Besîc. Bo mînak heyamekê berî niha li Îlamê berpirsiyarên rejîma Komara Îslamî a Îranê, gef ji mamostayên xwendigehan kirin ku heke nebin endamên Hêza Besîc, dê wan li kar bavêjin û bi awayekî fermî naxebitînin.
Niha hewl û cehda Besîckirina xelkê Kurdistanê bi berfirehî li hemû gund, dever û bajarên Kurdistana Îranê dimeşe. Ji bilî dana diravek weke mehaneya Besîcan, alavên xwarin û erzaq, petû, alav û tiştên navmalê didin wan kesan ku bibin enamên Hêza Besîc, heta bi vî awayî xelkê bixapînin û tevlî rêxistinên xwe yên kurdkuj û terorîst bikin û li dijî xebat û berxwedana azadîxwazî û neteweyî a Kurdan ji wan mifah bihê standin.
Her kes ku dibe endamê/a Hêza Besîc, divêt çek û sîlaha dewletê hilbigire û bi awayekî fermî ji wan re bixebite û kar bike. Ew pirranî ji Mizgefan jî mifahê distînin ku cihê nimêj û ibadeta olî a xelkê ye û di wan salên dawiyê de, berpirsiyarên Komara Îslamî gellek mizgeftên Kurdistanê ku xelkê bi îmkanat û pereyê xwe çê kirine, yê kirine binkeyên hêza Besîc.
Di midehê 1-2 salên borî de, li hemû deverên Kurdistanê berdewam civînên taybet bi beşdariya berpirsiyar û rayedarên payebilind yên rejîmê li bajarên Kurdistanê tên lidarxistin û daxwaz ji xelkê tê kirin ku di hêza Besîc de navnivîsînê bikin û bibin Çekdar. Heta niha bi kêmî xelkê Kurd beşdarî wan cure civînane bûne. Weke me got li pirr cihan jî kirêgirtiyên Komara Îslamî bi zorî û li ser neçariyê hewla Besîckirina xelkê didin heta ku xelk bi wan re hevkariyê bike. Eva siyaset û projeya gemar li Makûyê heta Îlamê tê meşandin û bi eşkere tê dîtin.
Hêjayî gotinê ye ku çarçoveya xebat û erkên hêza Besîc eva ye ku di nav xelkê de ajanî û sîxoriyê bikin û bi vî awayî xelkê Kurd berdin hev û natebahî û dubendiyê çê bikin, herwiha berdewam li ser sînoran digerin û di dema dîtina kasibkarên kurd ku li ser xalên sînorên Kurdistanê ji bo debara jiyana xwe dixebitin, didin ber êrîşa guleyên xwe û bi vî awayî jiyana wan kasibkarên zehmetkêş dixin tirsê û karê wan asteng dikin. Rojane em şahidê kuştin, birîndarkirin, girtin û lêdana kasibkarên Kurd ên ser sînor ji aliyê hêzên Sipaha Pasdaran û Besîc in ku jiyan li xelkê Kurdistanê tal kirine.
No comments:
Post a Comment