Şahrem Nazerî Hat Binçavkirin

Dengê Azad: Di muzîka Kurdî û Farisî de Muzîkjenê klasîk yê herî mezin Şahrem Nazerî hat binçavkirin. Herçiqas binçavkirin bi mercê îmzadayîna bo polîsan dawî lê hatibe jî ev rewşa han hat şermezarkirin.

Li gor ANF, Hunermendê Kurd Şahrem Nazerî sersalê di vegera xwe ya ji Dubayê de roja 4ê rêbendana 2010an li Balafirxana Îmam Humeynî ji aliyê polîsên Îranê ve hat binçavkirin; lê bi mercê heman rojê here binkeyekî polîsan hat azadkirin.

Girseya ku li balafirxanê pêşwaziya Nazerî dikir, bo îmza wergirtinê, ew rewşa han şermezar kirin û girseyê dirûşma "ji diktator re mirin" avêtin. Piştî destdanîna ser nasname û pasaporta wî Nazerî, hat berdan.

Şahrem Nazeriyê Kirmaşanî muzîka Kurdî ji gundan veguhast ser dikên cîhanê. Herwiha Nazerî ew hunermend e ku helbestên Mewlana bi muzîka folklorîk ya Îranê re pir baş ligel hevdû diguncîne.

Nazerî bi muzîka mîstîk û tesawûfî re mijûl dibe û piştî Sharajarian muzîkjenê folklorîk yê herî mezin ê Îranî tê hesibandin. Fransa ‘Xelata Rûmetê’’ daye Nazerî. Hunermendê navbirî li ser baweriya Ehlî Heq e ku wek Yaristanî jî tê nasîn.

Jineke Kurd Di Zîndaneke Îranê De Jiyana Xwe Ji Dest Da

Dengê Azad: Jineke girtî ya Kurd li zîndana navendî ya Bajarê Urmiyê bi awayekî gumanbar jiyana xwe ji dest da. Girtiya siyasî ya Kurd Zara Ce’ferî 5 meh berî niha ji aliyê dezgehê Îtlaata Komara Îslamî ya Îranê ve hatibû girtin û ji wê demê ve di hucreya yek kesî de bû, bi awayekî gumanbar jiyana xwe ji dest da û karbidestên girtîgehê jî heta niha hîç ronkirinek derbarê çawahiya mirina Zara de nedane.

Wek tê gotin Zara bi tawanê hevkarî û peywendiya ligel partiyeke Kurdî ya neyarê Komara Îslamî ya Îranê hatibû girtin, heta kêliya jiyana xwe jî ji dest da tu sezayek jê re nehatibû diyarkirin.
Ji aliyekî din ve sê Kurd bi navên Erselan Şad Bext, Hejar Hesenzade û Saman Ateşk ku xelkê Serdeşt ên Rojhilatê Kurdistanê ne, ji aliyê Liqa 102 a Dadgeha Giştî ya wî bajarî ve hatin dadgehî kirin û her yek salek hikmê zîndanê da wan. Tê gotin ku ew hersê girtî bi têkdana hêminiya giştî ya bajêr hatine tawanbar kirin.

Civaka Aştî û Pêşveçûna Kurdistanê CAPK, da siyaseta PDKI derbarê Aştvebûna Nîştimanî û RedKirina Pîlanên Çekdarkirina Xelkê Kurd

Dengş Azad

Civaka Aştî û Pêşveçûna Kurdistanê CAPK, da siyaseta PDKI derbarê Aştvebûna Nîştimanî û RedKirina Pîlanên Çekdarkirina Xelkê Kurd