Dengê Azad:
Roja 22ê Kanûnê bo min ji ber du sedeman gellek xweş û şirîn e. Yekem jidayîkbûna rêberê navdar û zana yê Kurd Dr. Ebdulrehman Qasimlo di 22.12.1930an li Urmiyê yê Rojhilatê Kurdistanê, duyem jî avabûna Civaka Aştî û Pêşveçûna Kurdistanê (CAPK) di 22ê Kanûna 2008an û di vê roja pîroz de ye.
Dr. Qasimlo wek rêberekî karîzma û alîgirekî bê rawestan yê azadî, aştî û demokrasiyê dê herdem di nav dilê me de heta çendîn nifşên din zindî bimîne.
Malbata me CAPK jî sala borî di wê rojê de ji dayîk bû û roja damezrandian wê du qat li cem min xweştir û şirîntir kir û kete hundirê qada çalakî û xebata sivîl û aştîxwazanae a Rojhilatê Kurdistanê û bi armancên xwe yên pîroz dest da çalakiyan. Bêguman ger CAPK wek NGOyek di hundirê welat de rasterast bixebitiya, dê rolekî gellek berçavtir bilîstaya, lê divê rewşa zal bi ser wî parçeyê Kurdistanê û serdestbûna rejîmek dîktator nebe asteng û pêwîst e xebat ber bi hundirê welat bê kişandin û çalakiyên sivîl û medenî li gund û bajarên Kurdistanê biqedin.
Bi hêviya salek tejî destkevt û çalakî ji bo maêbat û civaka me, Civaka Aştî û Pêşveçûna Kurdistanê (CAPK)...
No comments:
Post a Comment