Belavoka Xwendekarî Ya Hejan hat Qedexekirin

Dengê Azad - Kurdistanemdia

Belavoka xwendekarî ya Hejan ya ku xwendekarên zanîngeha Kurdistanê derkirin, piştî derçûna 68mîn hejmara wê belavokê, li gor biryara Komîteya Çavdêrî bi ser belavokan hat cezakirin.

Li gor rapora Nûçegihaniya Kurdistan, belavoka Hejan di roja 16ê Çiriya Paşîn a 2009’an hatiye cezakirin û digel dawî pêhatina demê deh rojên cezakirinê heya niha îzna belavbûnê jêre nehatiye dan û herwiha berpirsên pêwendîdar li dana biryara dubera belavbûna Hejan xwe parastine.

Navenda Hejan wek xwedî îmtiyaza belavoka Hejan, di sala 2007’an de îzna belavkirina wê belavokê li xwediyê yek ji endamê şewra navendî ya Hejanê wergirtiye. Ew belavok di destpêka karê xwe de şêwazeke rexnegirane li hember pirsên Îran û Kurdistan girte pêşberî xwe û cuda ji belavkirina nûçeyan di wê derbarê de wek tirîbûna xwestek û daxwazên xwendekarên Kurd û herwiha cih û warekî bi bandor di nav xwendekarên Kurd de bi dest anî.

Belavoka Hejan bi sedema şopandina îdamkirina çalakê siyasî yê Kurd Êhsan Fetahiyan û herwiha biryara îdamkirina girtiyê siyasî yê Kurd Şêrko Mearifî û xuyakirina nerezîbûnê di wê derbarê de, biryara cezadanê ji aliyê berpirsê komîteya çavedêr bi ser belavokan li ser wê hat sepandin.