Li gor malpera fermî ya UN.org, ew biryar di 71mîn civîna şêst û çarem a Civata Giştî ya Rêxistina Neteweyên Yekgirtî de hatiye wergirtin ku roja sêşem, 23ê sibata 2010an li binkeyê wê saziyê li bajarê New York hat lidarxistin. Civîna Rêxistina Neteweyên Yekgirtî bi pejirandina biryarnameyekê, Cejna Newrozê wek hilkefteke cîhanî bi fermî nas kir.
NY di vê derbarê de daxwiyaniyek da çapemeniyê û ragehand: “Newroz ji bo zêdeyî 300 milyon mirovan li seranserê cîhanê, destpêka sala nû ye û zêdeyî sê hezar sal e ku di herêmên Balkan, Derya Reş, Kafkazya, Asya Navîn, Rojhilata Navîn û cihên din ên cîhanê de tê pîrozkirin.”
Hêjayî gotinê ye berê jî UNESCO, Cejna Newrozê di fihrista mîratên çandî yên manewî yên mirovahiyê de bicîh kiribû.
No comments:
Post a Comment